Edukien sindikazioak sarritan orrialde jakin batzuetara sartzen diren erabiltzaileei edukiak banatzen dizkie berez-berez, horiek orrialdeetara sartzeko beharrik gabe. "feed" deritzoten kanal batzuen bidez banatzen dira eta erabiltzailea harpidetu daiteke horietan. Harpidetzea eta kanal hauek irakurtzea ahalbidetzen duten aplikazioek hainbat izen dituzte; ohikoenak hauexek dira: "berri-irakurleak", "feed-eranskariak", "kanalen irakurleak", "Newsreader-ak" edo "Feed Reader".

Berri-irakurleek edo feed-eranskariek harpidetzea eta feed kanalak irakurtzea ahalbidetzen dute. Erabiltzailea aurretik harpidetu den web orrialdeen eguneratzeak biltzen dituzte eta gune horien guztien edukirik berriena erakusten dute, goiburu, laburpen edo testu osoa legez, irudi-, audio- nahiz bideo-fitxategiak gordeta.
Beraz, erabiltzaileei ahalbidetzen die harpidetu diren webgune, blog, egunkari eta abarren eduki berrietara sartzea. Irakurle anitz daude eta PCan instala daitekeen mahaigaineko programa bat edo web-ean oinarritutako aplikazio bat izan daitezke.