Oso eguraldi ederra izan zuten  Baionako Etxepare eta Oiartzungo Haurtzaro lizeoetako 50 ikasleek ikasle-trukea egiteko  eta Euskal Eurohiriko korridore ekologikoen gaia lantzeko elkartu zirenean.

Mugaz gaindiko eskola trukaketako II. Jardunaldiaren egitasmoa oso aberatsa izan zen:

 - Martxoaren 11n -asteartea- gure lurraldearen bioaniztasuna aurkitzeko aukera izan zuten Aiako Arriaren parke ekologira egin zuten bisitaldian.

- Arritxulo aterpetxean lo egin zuten.

- Martxoaren 12an -asteazkena- Plaiundiko parke ekologikoa bisitatu zuten eta Eurohiriaren lurraldean hezeguneak  -hegazti migratzaileentzat batez ere - zein garrantsituak diren ikusi zuten bertan.

Interes haundia adierazi zuten ikasleek, eta Plaiaundiko arduradunak zoriondu egin zituen erakutsi zuten portaera zintzoarengatik.

Elkarrekin bi egun pasa ondoren, ikasle-trukean jarraituko dute lanean eta lanak bukatu ondoren,  Euskal Eurohiriaren ingurumen egunean aurkeztuko dituzte egindakoak, maiatzaren 13an, Errenterian.

Informazio gehiago izateko, begiratu Euskal Eurohiriaren ikasle trukaketari buruzko blogean.